|
|
Nos v' dihans mèrci, a vos, nosse Pére. On pout todi compter sor vos,Turtos :
qu' nos rlouke tofér si amitieûsemint.
Vos nos-avez n'né Jèzus vosse Fi, nosse Sègneûr èt nosse Fré.
I nos-a mostré qu' i vèyéve voltî lès poves, lès malådes lès p'titès djins
èt minme lès cis qu' lî toûrnît l' dos.
Il a må po nos-ôtes qwand i nos veût èl ponne.
Tot çou qu' il a fêt èt tot çou qu' il a dit nos done a ètinde qui v' prindez
sogne dès-omes, come on pére prind sogne di ses-èfants.
C' èst po tot çoula qu' nos v' fans fièsse.
Nos prôclamans bin hôt vosse bonté, qu' vos dispårdez, sins r'lache, et,
avou lès andjes èt tos les sints dè paradis, nos tchantans bin hôt vosse glwére.
Sint, treûs côps sintLi Priyesse :
l' Sègneûr, Mêsse dè monde ètîr !
Vosse glwére rimplih li cîr èt l' tére.
Hozanna ! Nos n' èl sårîs brêre fwért assez !
Qu' i seûye bèni l' ci qui vint dèl pårt dè Sègneûr
Hozanna ! brèyans-l' di tos nos pus fwérts !
Pére, vos qu' èst bon come li pan,Les Croeyeus : Åmen.
vos qu' nos louwanjans sins r'lacher,
nos v' dimandans a gngnos
par Jèzus-Cri, vosse Fi, nosse Sègneûr, dè bin voleûr prinde èt bèni
tot çou qu' nos-apwèrtans d'vant vos.
Nos v' l' ofrans apreume po vosse sinte Èglîse catolique.
Dinez-lî l' påye èt s'tindez vos mins sor lèy.
Fez qu' èle dimeûre todi bin sôdêye
èt minez-l' divins l' monde ètîr.
Nos v' l' ofrans ossu
po vosse chèrviteûr li Påpe ...,
po noste Èvèke...,
èt po tos lès cis qu' disfindèt sins r'lache
li fwè catolique qui lès apôtes nos-ont n'né.
Sov'nez-v', Sègneûr,
di tos lès cis qu' vos chèrvèt
èt dès cis qu' sont chal rassonés åtoû d' vos.
Vos savez bin come i crèyît a vos èt come i v's-inmît.
Nos v's-ofrans por zèls
èt s' dinèt-ti zèls-minmes come po leûs djins
on sacrifice qui tchant'rè vosse glwère,
po qu' chaskeun' troûve li pardon
èt seûye såvé, come èl ratindèt turtos.
Et c'è-st-insi qu' i v' fièstèt,
vos, l' seûl vrêye Diu, qui vike å-d' triviès dès siékes.
Turtos èssone avou l' Èglîse, nos volans priyî apreume
li bone Vièrje Marîye, li mame d' a Jèzus-Cri,
nosse Sègneûr èt nosse Diu,
adon sint Djozèf, si-ome,
lès sints-apôtes èt lès mårtîrs,
Piére èt Pôl èt tos lès sints.
Sov'nez-v' bin d' leûs priyîres èt d' tos leûs mèrites,
adon n'nez-nos on côp d'min èt loukîz a nos-ôtes
po qu' no d'moranse fwérts,
todi èt tot l' minme wice.
Par nosse Sègneûr Jèzus-Cri.
Nos mètans d'vant vos tot çou qu' nos-avans a v's-ofri,
nos-ôtes, vos djins, qui n' dimande qu' a v' chèrvi.
Pusqui v's-èstez plin d'amitié po nos-ôtes, prindez pôr
çou qu' nos v's-apwèrtans.
Gråce a vos qui l' påye rimplih nosse vèye.
Rissètchîz-nos fou dès grifes dè diåle
èt fez-nos 'ne plèce å mitan dès cis qu' vos lèyîz rintrer è vosse mohone.
Par nosse Sègneûr Jèzus-Cri.
Les Croeyeus : Åmen.
3. Epiclejhe
Li Priyesse :
Avou vosse bènèdicsion, i n' a rin d' impossibe.4. Ashidædje
Rindez tot-a-fêt sinte l' ofrande qui nos v's-apwértans.
Qu' èle seûye sins nole tètche, po n'nin èsse djinnés di v's-èl prézinter.
Qu' èle divinse po nos-ôtes,
li cwér (†) èt l' sonk' di Jèzus-Cri,
vosse Fi èt nosse Sègneûr.
Li djoû di d'vant s' Passion,Les Croeyeus :
adon qu' il èstît an trin d'magnî,
i prinda l' pan d'vins sès mins,
i leva ses ouys å cir,
vier Vos, Signeur, si Pere,
i d'ha mèrci a s' Pére,
èl pårtèdja èt l' distribuwa a sès dicipes tot d'hant :
« Tinez, magnîz-è turtos,
Çoula, è-bin c' èst m' cwèr
qui dj' done po vos-ôtes. »
Adon, come il ont tot faît d' mougnî,
i fa parèy avou l' cålice rimpli d' vin
dins sès mwins.
Co on côp i d'ha mèrci a s' Pére
èt l' dina a sès dicipes tot d'hant :
« Tinez, buvez-è turtos,
pace qui çoula, è-bin c' èst m' sonk',
li sonk' qui nos ralôye å Pére po todi,
come jamåy nos n' l' avans stu.
I sèrè n'né por vos-ôtes èt po turtos,
èt lès pètchîs sèront pardonés.
Et vos-ôtes, a vosse toûr, vos f'rez parèy
tot v' som'nant d' mi. »
Al tchûse :5. Anamnejhe
Qui c' èst bê ! Qui c' èst grand !
C' è-st-on mistére èt nos l' crèyans.
Ou bin :
Vos-avez passé po l' mwért, Sègneûr Jèzus.
Nos l' brèyans bin hôt !
Vos v's-avez r'lèvé bin vikant !
Nos v' fans fièsse !
Vos-alez rim'ni èl glwére.
Nos v' ratindans.
Vola poqwè qu' nos-ôtes ossu, qui v' vout chèrvi,Les Croeyeus : Åmen.
èt avou nos-ôtes totes vos djins,
tot nos sov'nant qu' vosse Fi, Jèzus-Cri, nosse Sègneûr,
a soufrou s' Passion po nosse bin,
qu' il a raviké d' å mitan dès mwérts
èt qui, dvans s' glwére, il a r'monté å cîr,
vo-nos-chal divant vos,
nosse Diu plin d' glwére èt d' grandeûr,
avou tot çou qu' nos v' polans ofri.
D' abôrd, nos n' avans fêt qui d' prinde çou qu' vos nos-avez n'né
vos-minme : ine ofrande sinte èt sins tètche,
qu' on n' såreût trover 'ne pus bèle,
li pan qu' nos f'rè viker po l' étèrnité
èt l' vén qu' nos såve ine fèye po tot.
Vos-avez bin volou agrèy l' ofrande
d' Abèl li djusse,
li sacrifice d' Abraham
èt l' ci d' Mèlkisédèk, vosse grand préte,
on vrêye modéle di sacrifice, cila.
Adon, tot fî parèy, riloukîz noste ofrande avou dès-oûys di Pére,
èt prindez-l', pusqui vos nos vèyez vol'tî.
Nos v's-è supliyans, Sègneûr,
qui voste andje èpwète çouchal divant vos,
la-hôt so voste ôté,
èt qu' insi, chal so l' tére, å moummint dè r'çure,
divins l' minme sacrifice,
li cwér èt l' sonk' di vosse Fi,
å minme tins nos åyanse,
di vosse min, gråce èt bènèdicsions a r'dohe.
Par nosse Sègneûr Jèzus-Cri.
6. Ditikes
Li Priyesse :
Sov'nez-v' di tos lès cis qui v's-ont chèrvou,Les Croeyeus : Åmen.
qu' ont passé so l' tére divant nos-ôtes
èt qu' ont clos leûs-oûys
tot mètant leû fiyåte divins vos.
Sor zèls èt sor tos lès cis qu' s' ont-st-èdwèrmou,
såvés gråce å Cris',
nos v' dimandans di spåde vosse bonté :
qu' il intrèsse èl djôye, èl påye, èl loumîre.
Par nosse Sègneûr Jèzus-Cri.
Èt nos-ôtes, si vol'ti acdinés å pètchî,Les Croeyeus : Åmen.
nos n' polans pus compter,
qu' so vosse mizèricôr foû mèzeûre.
Adon, acwèrdez-nos 'ne plèce èl kipagnèye
dès apôtes èt dès mårtîrs,
Jan Batisse, Ètiène.
Lèyîz-nos rintrer ad'lé zèls,
sins nos djudjî so çou qu' nos valans,
mins tot nos pardonant nos calin'reyes.
Par nosse Sègneûr Jèzus-Cri.
C' èst gråce a lu qu' vos crèyez co todi po l' djoû d' oûyLes Croeyeus : Åmen.
tot çou qu' i-n-a d' bon po nos-ôtes, tél çouchal,
qui v' bènihez,
qui v' lî n'nez vèye
èt sint'té
èt qu' vos nos-acwèrdez.
Par lu, avou èt d'vins lu.
A vos, nosse Pére, qu' èst Mêsse dè monde
èt qui n' fêt qu' onk avou l' Sint-Èsprit,
nos rindans oneûr èt glwére
po tos lès siékes a m'ni.