Oyi, c'èst l' vraî, tofêr èt tot costé,Turtos :
ça n' èst qui d' jusse èt bon di Vos dîre mèrci,
a Vos qu' èst nosse Pa, a Vos qu' èst télemint sint.
Nos l' fians pa Jésus-Cris, vosse Fi, qu' Vos vèyoz si voltî.
Il èst vosse lingadje. I vike èt fét viker tot ç qu' i gn-a d'ssus l' têre.
Vos nos l' avoz èvoyî po nos r'mete so pîds èt nos chaper.
Il èst l' Bon Diè. Li Sint-Èsprit 'nn' a faît in-ome,
èt l' Aviérje Marîye l' a mètu au monde.
Po fé t't-à faît ç' qui Voz v'lîz
èt po rachoner, au mitan dès-ômes,
lès cis qui d'vêront vosse peûpe.
A l' eûre di s' Passion, il a stindu sès mwins,
Il a mèsbrîjî l' mwârt
èt mostrer à tortos qu' on p'leut raviker.
C' èst po ça qu' avou lès andjes èt tos lès sints,
nos tchantans bin wôt vosse glwêre
èt dîre tortos èchone :
Sint, trwès côps sintLi Priyesse :
li Sègneûr, maîsse do monde ètîr !
Vosse glwêre rimplit l' ciél èt l' têre.
Hosanna ! Nos nè l' saurins criyî fwârt assez !
Qu' i fuche bèni l' ci qui vint dè l' paurt do Sègneûr !
Hozanna ! Criyans l' di tos nos pus fwârt !
Vos-èstoz vrémint sint,3. Epiclejhe
Vos èstez l' fontin·ne qui faît d' nos-ôtes dès sints.
C' èst po ça qu' nos Vos d'mandans4. Ashidædje
d' bèni lès-ofrandes qui nos V's-apwartans,
et fé diskinde voste Èsprit d'ssus.
Qu' èles divègnuche, por nos, li cwârps (†) èt l' song
da Jésus, nosse Sègneûr.
Au moumint qu' il aleut ièsse vinduLes Croeyeus :
èt qui, di s' bon voulwér, il aleut c'mincî s' Passion,
I prind do pwin,
I dit mèrci à s' Pas,
I côpe li pwin à bokèts po fé lès paurts
èt l' diner à sès djins tot d'djant :
« Tènoz, mindjoz-è tortos.
Çoci, c' èst m' cwârps ;
djè l' done por vos. »
Et come il avint tot faît d' mindjî,
I prind l' câlice,
I dit cor on côp mèrci à s' Pa
èt i l' done à sès djins tot d'djant :
« Tènoz, bèvoz-è tortos ;
çoci, c' èst m' song,
li song qui, po todi, nos va r'loyî au Pére
come nos n' l' avans jamaîs stî.
I s'rè d'né por vos èt po tortos.
Et tos lès pètchis sèront pârdonés.
Vos-ôtes èto, vos f'roz çoci
en vos sov'nant d' mi. »
C' è-st-on mistére èt nos l' crwèyans.
Vos-avoz passé pa l' mwârt, Sègneûr Jésus.5. Anamnejhe
Nos l' criyans bin fwârt.
Vos V's-avoz r'lèvé vikant.
Nos Vos fians fièsse !
Vos-aloz riv'nu dins l' glwêre !
Nos Vos ratindans !
Asteûre, nos nos sov'nans do l' mwârt di vosse Fi,6. Ditikes
do djoû qu' il a raviké.
Et nos Vos présintans, Sègneûr,
li pwin qui done li vîye, li vin qui nos vint chaper.
Et nos Vos d'djans mèrci pace qui Vos nos-avoz tchwèsi
po Vos sièrvu.
Nos nos fians tot p'tits, pa-d'vant Vos, po Vos d'manderLes Croeyeus : Amèn'.
qu' en paurtadjant li Cwârps èt l' Song do Cris',
li Sint-Èsprit nos mète tortos èchone
po n' pus fé qu' on seûl cwârps.
Sov'noz-Vos, Sègneûr, di voste Eglîje pa t't-avau l' monde.
Fioz-l' todi crèche dins voste amoûr,
avou nosse Pâpe ...,
noste Èvèke...
èt tot lès cias qu' ont l' kèdje di totes vos djins.
Sov'noz-Vos èto di tos nos fréres qu' ont clô leûs-ouy,
sûrs di r'trover, on djoû, l' vîye.
Drouvioz-l'zî voste uch,
qu' is moussenuche avou Vos dins vosse Loumiére.
Èt po fini, nos Vos l' dimandans,
sèmoz vosse bonté su nos-ôtes tortos.
Qu' avou l' Aviérje Marîye, vosse moman,
avou lès-apôtes èt tos lès sints qu' ont viké jusqu' asteûre
dins voste amoûr,
nos planche intrer dind l' vraîye vîye, li vîye qui n' finirè jamaîs.
Ei qui, sins r'lâche, nos tchantanche vosse glwêre
èt vosse grandeû.
Pa Jésus Cris, vosse Fi qu' Vos vèyoz si voltî.
Pâr Li, avou Li, dins Li,Les Croeyeus : Amèn'.
à Vos, qu' èst maîsse do monde
èt qui n' faît qu' onk avou l' Sint-Esprit,
vos Vos rindans oneûr èt glwêre
po tos les siékes à v'nu.